01
Ons doel
Die Orania Sakekamer is gestig om die belange van besighede in Orania te bevorder en te beskerm. Ons doel is om ’n sterk, gesamentlike stem vir die plaaslike sakegemeenskap te wees, en om ’n ondersteunende omgewing te skep waarin ondernemings kan groei en floreer.
02
Ons benaderingswyse
Die Orania Sakekamer speel ’n sleutelrol in die bevordering van besigheidsgroei en -ontwikkeling, terwyl dit ook die gemeenskap van Orania aktief ondersteun.
03
Ons missiestelling
Om jong en aspirant-entrepreneurs nie net met die nodige kennis en vaardighede toe te rus nie, maar ook met die selfvertroue en hulpbronne wat hulle nodig het om suksesvol in die sakewêreld te floreer en hul loopbane te bevorder.
Hoekom is dit voordelig om ’n lid van die Sakekamer te wees?
Lidmaatskap by die Orania Sakekamer bring ’n wye reeks voordele vir jou besigheid. Hier is waarom jy dit nie wil misloop nie:
1. Kry toegang tot waardevolle inligting, riglyne en kontakte met ander organisasies en instansies – die Sakekamer is daar om jou te ondersteun.
2. Help bou aan volhoubare kommunikasie tussen verskillende belanghebbendes in die streek, wat ’n sterk ondersteuningsnetwerk vir lede skep.
3. Bemarking vir jou besigheid tydens vergaderings deur bemarkingsmateriaal met mede-lede te deel.
Netwerk met ander entrepreneurs – dit skep geleenthede vir samewerking, kliënteverwysings en selfs nuwe sakekontakte.
Neem deel aan opleidings- en ontwikkelingsprogramme wat aangepas is by jou besigheid se unieke behoeftes – ideaal vir vaardigheidsontwikkeling en groei.
Jou stem word gehoor: Ons tree namens lede op teenoor regeringsinstansies, wetgewers en ander belanghebbendes. So word jou besigheid se belange verteenwoordig.
Kry ondersteuning in jou besigheid se ontwikkeling, insluitend hulp met besigheidsplanne, bemarkingstrategieë en toegang tot finansiële ondersteuning.
Ontvang ’n lidmaatskapsertifikaat en -kaart as tasbare bewys van jou betrokkenheid.
Neem deel aan forums waar lede saam kan besin en praat oor sake en gemeenskapskwessies.
Help bou aan ’n positiewe en ondersteunende werksomgewing en sakegemeenskap.
Skep sterk verhoudings met sleutelrolspelers in jou omgewing.
Lidmaatskap is bekostigbaar – ’n groot waarde vir ’n klein belegging.
Jou besigheid word gratis geadverteer op die Sakekamer se besigheidswebblad.
Jou onderneming word ook opgeneem in ons aanlyn ledegids.
Ons moedig lede aan om aktief sake met mekaar te doen – hou dit binne die netwerk!
Ontvang gereelde opleiding en toegang tot waardevolle inligtingsgeleenthede.
Kry ekstra blootstelling op Radio Orania se Sakefokus Promosie-gesprek – elke Woensdag, eksklusief vir ons lede!
Statistieke
Ons lede groei by die dag
Sakekamer lede
dOra beursies
Jare se ondervinding
Word ’n aktiewe lid van ons sakegemeenskap!
Volg hierdie vier eenvoudige stappe om by die Orania Sakekamer aan te sluit:
1. LAAI DIE AANSOEKVORM AF
Laai die vorm aanlyn af of voltooi dit elektronies via ons webblad.
2. DIEN DIE AANSOEKVORM IN
Stuur die voltooide vorm per e-pos na: admin@oraniasakekamer.co.za
3. LIDMAATSKAPBEVESTIGING
Sodra ons u aansoek verwerk het, ontvang u ’n amptelike e-pos ter bevestiging van u lidmaatskap.
4. VEREFFEN DIE LIDMAATSKAPFOOI
Die lidmaatskapsfooi kan op een van die volgende vier maniere betaal word: elektroniese oorplasing (EFT), kontant, dOra-betaling of debiet-/kredietkaart.
Stuur asseblief die bewys van betaling per e-pos na: admin@oraniasakekamer.co.za